(AP)—Barco- y aeronavenan di e U.S. Navy a busca den areanan di e Golfo di Aden pa dos soldad Navy SEAL dialuna mientras detayenan a surgi tocante nan mision pa aborda y tuma control di un nave cargando componentenan pa misilnan balistico Irani bayendo pa Somalia, segun oficial di defensa Mericano a bisa dialuna.
E oficial a bisa cu tripulacion riba e nave, cual no tabatin un bandera, tabata plania pa transferi piesanan di misil, incluyendo “warheads” y motornan, pa un otro boto riba costa di Somalia. E Navy a reconoce e boto como un cu un historia di transporta armanan ilegal for di Iran pa Somalia, segun e oficial, ken a papia riba condicion di anonimidad pa discuti detayenan cu no a ser publica.
E SEALs tabatin riba e nave USS Lewis B. Puller, un nave base maritimo expedicionario, y a nabega den operacionnan special chikito maneha pa tripulacion di guera maritimo pa yega na e boto. Mientras cu tabata abordando esaki den lamanan bruto rond di 8or di anochi, un SEAL a ser pusha pa olanan halto y un compañero a bay rescate. Ambos ta desaparecido.
E ekipo abordando e boto chikito tabata enfrentando aproximadamente un decena di miembro di tripulacion. E miembronan di tripulacion, ken a ser hiba den costudia, no tabatin documento, cual a permiti un buskeda den e nave. E armanan a ser confisca, y e boto a sink, cual ta un procedura.
Oficialnan Mericano a bisa cu e awanan den e Golfo di Aden ta cayente, y Navy SEALs ta haya training pa emergencianan asina. Dialuna, barconan di e Navy, helicopter- y dronenan tabata envolvi den e buskeda andante.
E U.S. Navy a conduci misionnan interdiccion den e region regularmente, tambe confiscando armanan riba barconan cu tabata conecta cu e Houthinan na Yemen. Oficialnan a bisa cu e mision aki no tabata relata na e Operation Prosperity Guardian, e mision andante di Merca pa provee proteccion na barconan comercial den e Lama Cora, of e atakenan contra-ofensivo cu Merca y Britania a conduci na Yemen durante e dos dianan.
