(AP) — E resultadonan di e revision hopi atrasa di gobierno di e retiro caotico di Merca for di Afghanistan ta bay keda publica otro luna, segun Cas Blanco a anuncia ayera, cu Congreso y e publico programa pa mira un evaluacion di kico a bay fout mientras Merca a caba cu su guera di mas largo.
E retiro di trupanan Mericano na 2021 a conduci na e collapse rapido di gobierno y ehercito Afghano, cual Merca a sostene pa casi dos decada, y e regreso di Taliban na poder. Despues di esaki, presidente Joe Biden a dirigi pa un revision amplio examina “tur aspecto di esaki di ariba te abao.”
Originalmente tabata programa pa publica e resultadonan riba e prome aniversario di e retiro, pero esaki a keda retrasa mientras e agencianan a continua nan trabao.
Vocero di Conseho di Seguridad Nacional, John Kirby a bisa ayera cu e trabao ta casi completo y e administracion ta preparando pa e publicacion na april. “Nos ta spera di por comparti e resultadonan cu publico pa mita di april,” Kirby a bisa. El a agrega cu e administracion lo comparti seccionnan clasifica di e rapport cu comitenan di supervision di congreso.
