(NLTimes)—Desde e pandemia di coronavirus, e cantidad di caso di explotacion sexual a sigui aumenta, segun AT5 a reporta. Esaki por sosode scondi den areanan residencial, pero tambe den hotel. Hotelnan mas grandi na frontera di ciudad ta particularmente mas atractivo pa traficantenan di hende.

Pa combati e problema aki, Ministerio Publico Hulandes (OM) a inicia e proyecto “No Room for Sex Trafficking,” un programa di training online diseña pa educa personal di hotel tocante reconocemento di posibel señal di explotacion sexual.

Señal tipico por inclui un varios hende homber cu ta bishita e mesun camber, of continuo pidimento di serbete nobo. 200 hotel na Hulanda a logra ricibi e certificacion aki caba.

Sameena van der Mijden (31), ken a papia cu AT5, a bisa cu el a experencia explotacion sexual pa un temporada largo den un hotel. Su explotado ta busc’e di trabou of un for un stacion di trein varios biaha pa siman y ta hib’e na un localidad unda a fors’e pa participa den actividadnan sexual cu hende homber desconoci. Desde cu el a sali for di situacion, el a skirbi un buki tocante su experencia. “Mas hende sa di explotacion sexual, mas miho,” el a bisa.

Mientras tanto na Rotterdam, un grupo di studiante a organisa un careda di resistencia di 12 ora pa asina aumenta conscientisacion tocante traficacion di hende rond mundo. E careda aki a tuma luga diadomingo na Sportcomplex Olympia.

E evento aki ta parti di un organisacion di caridad global lidera pa studiantenan, 24 Hour Race, cual a organisa caredanan desde 2010 pa asina recauda fondo contra traficacion di hende. Nan meta ta ma crea un movemento coordina rond mundo contra sclavitud moderno. E evento a genera participacion den varios pais, cu actividadnan plania den 20 diferente ciudad. E eventonan ta tuma luga na Hong Kong, Singapore, Kuala Lumpur y Seoul, pero tambe como den Europa y Norte America.

Segun Alex Jackson (23), un studiante den Salud Global y Publico y ken ta director ehecutivo pa e evento na Rotterdam, casi 50 miyon hende ta sclavisa mundialmente: “No hopi hende ta realisa esey, e ta keda un problema invisibel,” el a conta NL Times. E evento ta un oportunidad pa trece atencion pa e problema aki, el a bisa.

Esaki ta e prome biaha cu e evento ta tumando luga na Hulanda, cual a causa algun complicacion. “Nos meta tabata pa core pa 24 ora, pero nos tin problema pa haya un localidad cu por laga nos usa esaki asina largo.” P’esey, en bes di un careda di 24 ora, e evento ta bay keda na 12 ora.

Den futuro, Alex ta spera cu e lo ta posibel pa core pa 24 ora: “Nos mester cuminsa cu loke nos tin,” el a splica.

Gruponan di cuatro y cinco a core riba un veld di atletiek di 400 meter. Tabatin un escenario cu musica, presentacion, wega, cuminda y bebida.

“Nos ta encurasha pa tur hende plama e conocemento di sclavitud moderno.”