Stichting voor Verstandelijk Gehandicapten ta conta cu e bida pa persona cu limitacion ainda no ta facil. Nan meta ta pa mira na Aruba e tratado internacional cu a firma na Hulanda na 2016, pa tur hende cu tin limitacion tin un participacion completo den comunidad.
Els Van Homelen, diretor general di SVGA a duna di conoce cu ainda e bida di un persona cu limitacion riba nan mes of afo ta challenge. Nan ta existi pa 55 aña y e fundacion ta keda boga pa nan.
E bida no ta facil, segun van Homelen. Nan meta ta pa nan wak tratado internacional manera Hulanda a firma na 2016 cu tur hende cu tin limitacion mester participa completo den comunidad.
Sinembargo Aruba no a firma e tratado, pero ‘tin hopi trabou pa haci’ prome cu por bisa cu nan firma e tratado y tambe cumpli cu tratado di derecho manera e muchanan ta den scol despues cu nan haci 16 aña di edad.
Actualmente no tin scol pa nan, dus e mayor ta busca un solucion pa cumpli cu necesidad di nan yiu pero ainda no tin nada oficial, tampoco tin suficiente bibienda, no tin compresion den comunidad pa pone nan un caminda.
Tampoco den comunidad, hende no ta compronde pakico e yiu ta asina? Pakico e mucha ta actua diferente. Anto mester tin pasenshi cu esey. E ta agrega cu falta educacion, falta guia pa e famia mes, pa nan realisa cu nan cliente ta forma parti di comunidad y cu nan mag di pertenece.
“E ta un proceso pero mi ta kere cu cada biaha, mas hende ta bira consciente cu nos cliente por siña nos hopi. E no ta cu nan mester yuda nan, pero nan tambe ta siña nos hopi den bida”, el a expresa.
Segun van Homelen, awendia hende ta rush, nan ta pensa riba nan anto diferencia cu persona di SVGA ta persona humilde, humanitario. Nan a yega di wak cu asta den competencia na un di nan cas, tur kier a gana pero na final e clientenan mes a wak cu un cliente tabata tin’e dificil pa gana. Nan a lubida cu nan tur kier a gana y bay yuda esnan cu tin e problema.
Esey ta un ehempel cu e ta splica cu por siña di nan. E ta bisa cu nan tin amabilidad y ta algo ‘bunita cu pa wak den nos comunidad’. Na Aruba mester cuminsa cu no tin guia pa mayornan cu tin mucha ta nace cu algun limitacion, e falta di guia di mayor, pa motibo cu nan no por deal cu situacion cu un mucha y mester atencion mas specifico.
Tampoco no tin terapia pa mucha pa stipula nan cerebro di e mucha mas hoben. E ta splica cu e cerebro mester keda siña anto esey ta un falta cu mester drecha den area di salud cerca nan. Sinembargo el a expresa gratitud cu aprobacion di Riu Hotel cu lo paga pa 3 aña largo mita di tratamento di fisioterapeuta pa nan cliente.
Van Homelen ta bisa cu pa muchanan esey ta algo positibo, muchanan cu e cerebro ta mas hoben cla pa siña y desaroya ‘e cerebro motorico ta stimula henter desaroyo ta bay ta miho’. Nan lo sigui traha pa bin cu cambionan asina.
E ta compronde cu e situacion financiero actualmente di e pais no ta bon y ta contento cu ayudo di cualkier compania cu kier yuda nan. “E ta duna un sentimento bon cu realisa y experiencia cu hende ta yuda.”
Despues di 16 aña cu a bin cu idea pa un instituo di enseñanza pa un estudio mas avansa ‘voortgezet special onderwijs’ semper nan tin projectonan nobo cu nan ta papia cu gobernante. Nan ta den combersacion cu minister, director di enseñanza pa hinca e plan den otro pa mlotibo cu nan ta wak e necesidad pero e ta costa placa pa eherce.
Sinembargo e ta bisa pa haci algo bon, ta tuma su tempo ‘no por pone un mucha den klas y ja’ e ta bisa cu tur cos mester ta den ordo pa duna un bon calidad di enseñanza na e muchanan.
Tur cos ta keda na placa y planificacion segun van Homelen. Nan ta compronde e situacion pero lo sigui boga pa esey. Nan ta keda traha hunto cu tur departamento cu esey pa nan ta importante.
Tin fundacion cu nan ta traha den grupo y otro scolnan tambe. Sea SPO tambe pa traha hunto pa hinca den plan hunto y zorg pa nan grupo por sigui cu nan onderwijs. Nan por bay otro centro pero tin mucha cu tin abilidad pa sigui den un enseñanza vansa ‘cognitivamente nan por desaroya mas.
Nan ta busca pa traha hunto pa locual ta plan aki, nan mester un edificio profesional pa hinca un grupo chikito di 36 mucha, tin cu parti den 12, maximo 3 local. “Nos tin profesional na Aruba, local ta conclui cu no ta suficiente, SPO pariba, SPO Santa Cruz dus falta localidad pa haci un inversion.”
Sinembargo e ta bisa cu si nan hacie nan e tereno, di SVGA nan tin nan gymzaal, cierto local na man na obra, no mester un scol nobo, tin diferente ocion hunto SPO pero inversion ta locual mester ‘ta keda cla cu mester tin pa cumpli cu educacion’.
