Riba su pagina di Facebook, SVb Aruba ta anuncia cu e pago di e subsidio di salario ‘a termina entrante 1 di november 2021’.
“Esaki ta nifica cu entrante luna di november no por aplica pa subsidio di salario mas y no lo tin pago di dicho subsidio mas”, SVb a informa. “Punto 11 di e areglo di Subsidio di Salario (MB 681/20) ta mara e pago di subsidio di salario na e sosten di likides cu Aruba ta ricibi for di Hulanda. Mirando cu pa e ultimo kwartaal di 2021 esaki no a wordo otorga na Pais Aruba, e ta nifica cu e pago di subsidio di salario no por continua.
SVb Aruba ta sigui cu e administracion, control y eventual cobransa di e subsidionan cu a ser paga caba y ta sigui procesa tur obhecion cu ta pendiente ainda di e periodonan di subsidio anterior.”
