Despues di dos workshop exitoso di The Black Wealth Club Suzette Dumfries ta satisfecho y contento con tur hende den e workshop a sali afo cu un otro mente pa nan mes y nan Pais. Dumfries ta convenci cu Aruba den su totalidad ta cla pa e tipo di informacion cu e ta brindando pa cada ken empodera nan mes.

Cada persona por bira doño di nan creacion di nan mes un futuro economico y finansiero. Den e dos workshopnan cu Suzette Dumfries a brinda na comunidad di Aruba por a saca afo cu e confirmacion tabata fuerte, e hamber cu e hende nan a demostra,e preguntanan cu nan a haci, e oranan cu nan a sinta pa scucha y e consentracion cu tabatin ta e satifaccion di mas grandi pa Suzette Dumfries.

Den e workshop a presenta algun strategianan, metodologianan, maneranan con hende por crea nan mes un futuro finansiero cu resultadonan diferente cu locual nan ta custumbra cu ne. Cada persona den e sala por a siña kico ta creacion y con pa hacie pa nan mes, generacionnan cu ta bin y pa nan famia actual.

E Masterclass ta den un nivel unda cu concretamente a siña hende con pa subi riba e caminda pa rikesa y con pa cana riba e caminda. Toolsnan cu a keda duna ta pa e persona sa con pa pensa, con pa tuma desicionnan y unda pa haya informacion cu ta bay forma e miho plataforma pa tuma e desicionnan corecto pa e resultadonan desea pa cu nan bida economico y finansiero. Tur persona cu a participa na e masterclass por a haya e herment nan pa logra nan meta.

Hopi aspecto a keda treci padilanti den diferente forma con e persona por yega na rikesa. Suzette Dumfries a uza e aspecto Psicologico, e mente cu tin mester, tambe tin algun prinsipionan cu hendenan cu ya caba a crea rikesa pa nan mes ta utilisa. Tambe a splica ehempelnan hopi concreto con e patronchi ta ser mira na momento cu kier haci algun avanse. Tambe cada persona a haya un splicacion di e prinsipionan di rikesa y e practica di rikesa.

Den e parti di practica di rikesa Suzette Dumfries a pasa den diferente procesonan porehempel con ta inverti den stock, cripto, con pa run un bussniss, e balor di propiedadnan y tambe invercionnan den metalnan precioso manera oro. Segun Suzette Dumfries rikesa por wordo crea den diferente forma, pero bo mester tin e toolsnan pa por logra esaki.

Sinembargo yega na rikesa solamente no ta importante, pero con pa sostene e rikesa ey y con bo ta preserva e rikesa. Tambe a papia riba e balor di un seguro di bida ect ect. Por bisa cu diferente aspecto a keda cubri den e parti di practica.

Independencia finansiero ta pa tur hende y e ta importante paso bo tin un bida pa biba, pero e resultadonan cu ta keda crea den e bida ey semper ta bon pa lage pa e generacion cu ta bin. Den e workshop tambe a duna tools con un persona su mes por crea nan legalsiafinanciero ta, con nan mes por crea esaki, pero tambe trata di tuma e personanan for di e pensamento di corto plaso.

Aruba tin un cultura cu relacion cu placa cu tur cos ta fia placa of sera placa, pero Aruba ainda no tin un cultura unda cu a normalisa invercion pa largo plazo unda cu ta pone placa den algo cu ta pa bo mes , pero pa genera beneficionan tambe pa e generacionnan cu ta bay sigui.

Tabata dos dia intensivo di e masterclass workshop y suzette ta cla pa sigui haci esaki y duna tur e toolsnan necesario pa por logra yega na e hendenan cu mas tin mester di dje. Suzette Dumfries ta kere y ta sinti esaki ta loke e kier haci pa Aruba y esaki ta parti di su mishon cu e tin pa sigui empodera henter Aruba.

Rancho, Oranjestad y San Nicolas a keda ofreci y sirbi, pero Suzette Dumfries ta kere firmemente cu fuera di e barionan aki y ainda den e barionan cu ya caba a pasa door di nan ainda tin mas hende cu kier forma parti di e Masterclass.

Sinembargo Suzette Dumfries lo no solamente keda enfoca riba e masterclass, pero tambe lo bin cu programanan pa personanan cu ainda kier sigui mas riba e caminda pa rikesa. E meta prinsipal di Suzette Dumfries ta empodera e personanan comun y coriente.