Redaccion di Bon Dia Aruba a tuma nota cu tin varios sitio cu ta benta sushi ilegal riba e caminda di Bottom Hill weg. Ta asina cu ta tira diferente sorto di materia na e sitionan aki cu ta forma un peliger pa tanto naturalesa como e bestianan cu ta cana rond ey banda.
Nos no sa si ta pa motibo cu a cera e dump ilegal den e area aki cu tin persona ta djis benta e sushi mirando cu ta cerca y pa no bay benta esaki na dump di Parkietenbos. Hopi di e material aki no por wordo disolve pa naturalesa manera mata y carton y nan te keda forma un peliger pa tanto naturalesa y hende mes. Tin entre otro asbest, zink, paña y cos nan di auto. Varios biaha diferente luga a wordo pega na candela pa asina baha e cantidad di sushi, pero mester bin un solucion structural pa e sitio aki.
E camindanan aki ta uno cu tanto local como turista ta uza pa asina yega Grapefield of pa pasa un rato den naturalesa, como tambe ta un area unda cu tin hopi bestia ta cana rond. Bon Dia Aruba lo tuma contacto cu instancianan concerni riba e tema aki.
