(SurinameHerald) – Corte marcial di Suriname a bolbe condena Desi Bouterse awe. E veredicto di 29 di november 2019 contra Bouterse ta sigui na vigor. E sentencia aki den e huicio penal na december, e ex-president y ex-hefe di e eherecito a wordo condena na 20 aña di prison pa su participacion den e asesinatonan di 8 di december 1982 na Fort Zeelandia.
Bouterse mes no tabat’ey presente awe durante e sesion pa motibo di enfermedad. Su abogado Irvin Kanhai tampoco tabata presente. E corte marcial no a ordena ningun aresto inmediato.
Uso inapropia
E corte marcial ta opina cu Bouterse a haci uso inapropia di e recurso legal di resistencia solicitando su derecho pa mantene silencio.
Durante su ultimo palabranan den e continuacion di e caso di resistencia dia 30 di juli, Bouterse a indica cu inicialmente e no tabata kier participa den un huicio penal cu tabata mustra claramente e rastronan di parcialidad y direccion di e ex-colonisado.
E ex-hefe di e ehercito a indica tambe cu e corte marcial tin poco conocemento di e acionnan militar den e sentido mas amplio. “Pa loke ta trata mi persona, boso calificacionnan academico ta di ‘rango halto’, no tin absolutamente ningun duda di boso conocemento di e ciencianan huridico. Pero mester bisa cu e conocemento aki, e experiencia militar aki ta wordo adkiri di un manera diferente, cu hopi lodo riba bo propio bootsnan y transferencia di conocmento di parti di instructornan cu a haya nan mes den situacionnan militar mas compleho y cu hopi biaha a haya nan mes den situacionnan di bida y morto”, Bouterse a bisa.
Durante su ultimo palabranan tambe el a bisa e corte marcial cu kico cu e veredicto final di e huicio aki bira, historia lo pordon’e di tur culpa pa e hecho tristo y traumatico di dia 8 di december di 1982.
