(AP)—E presidente di Sur Korea a relaha ayera e ley marcial cu el a impone riba e pais algun ora prome, curbando e presion politico despues di un anochi tenso den cual trupanan a rondona e edificio di parlamento y legisladornan a vota pa rechasa gobernacion militar.
Presidente Yoon Suk Yeol, ken ta parce di enfrenta denunciamento pa via di su accionnan, a impone ley marcial diamars anochi laat den frustracion cu e oposicion, primintiendo pa elimina forsanan “anti-estado” mientras e ta bringa contra oponentenan cu ta controla parlamento y cu e ta acusa di simpatisa cu comunista Nort Korea.
Empleadonan policial y militar a rondona e edificio di parlamento despues di e voto bipartisano pa anula e decision di e presidente, y e declaracion a ser relaha formalmente rond 4:30 di mainta durante un reunion di gabinete.
Parlamento a tuma accion rapidamente despues cu a impone ley marcial, cu e speaker di parlamento Woo Won Shik declarando cu e ley tabata “invalido” y cu legisladornan lo “proteha democracia cu e pueblo.”
En general, ley marcial tabata den efecto pa aproximadamente seis ora. E movida sorprendente di e presidente ta recorda un era di lidernan autoritario cu e pais no a mira desde añanan 1980, y a ser denuncia inmediatamente pa e oposicion y e lider di Yoon su mesun partido conservativo.
