(NLTimes) – E menasa potencial cu a causa un aumento di siguridad pa e Prome Minister tabata conecta na un investigacion relacioan cu e asesinato di e reportero Peter R. de Vries.
Poco despues di e asesinato, un confidente di e persona acusa di a orkestra e asesinato a conta cuerpo policial cu e mesun grupo aki tabatin plan di ataca Rutte, segun reportahe publica pa Nu.nl. E mesun testigo aki a conecta ambos plan na Ridouan Taghi, e supuesto narcotraficante y criminal cu tabata den lista di personanan busca na Hulanda pa añanan largo te ora cu a aresta su persona na Dubai den fin di aña 2019.
E testigo, cu e nomber Eddy, a papia tocante Krystian M, e homber Polaco di 27 aña ken a ser aresta den juli di aña pasa pa cu e caso di De Vries. M. ya caba tabata den prizon na e tempo, wardando huicio den un caso separa unda cu su persona y otronan a horta autonan pa ser usa den asesinatonan y otro crimennan violento. E caso aki tambe tin conexionnan cu Taghi su famia.
Eddy a reporta na cuerpo policial 2021 cu informacion tocante e asesinato di De Vries, cual a tuma luga 2 luna anteriormente. Segun Nu.nl, e su declaracion di testigo ta conta cu M. a conta Eddy tocante su cliente den e asesinato, na ken el a referi como “tio.” Aunke e homber su nomber nunca a ser revela, Eddy a bisa cu “tio” tabata ser describi como e persona tras di e asesinato di Nabil B. su abogado Derk Wiersum, y Nabil B. su ruman homber ta e testigo clave den e caso contra Taghi y su asociadonan pa cu e varios asesinato y intentonan di asesinato. De Vries tambe tabata asisti B. su ekipo legal.
Den su entrevista cu cuerpo policial, Eddy a bisa cu M. tambe a confia den su persona cu e mesun “tio” aki “tambe tabata kier a secuestra e prome minister.” Rond di e mesun tempo aki, Rutte su detayenan di siguridad a keda aumenta di manera substancialmente. E Prome Minister aparentemente a argumenta contra di e necesidad di visiblemente aumenta su proteccion.
Esaki a tuma luga despues di sospechanan cu e personanan a ser mira observando Rutte su movidanan den detaye. Autoridadnan a referi na nan como ‘spotter.’ E personanan aki a ser mira rond di Peter R. de Vries tambe prome cu el a ser herida fatalmente.
Te ainda no ta cla si “Eddy” ta e mesun persona cu “Testigo 5089.” RTL Nieuws anteriormente a reporta cu e testigo a bini dilanti pa causa di preocupacionnan pa cu su famia y su persona su siguridad. Tambe el a declara cu M. a referi na su cliente como su “tio” y cu M> tabata “buscando un persona cu por tira un reportero” cu e contract di e asesinato den balor di 100,000 euro.
