(NLTimes)—Autoridad Colombia a detene un homber Colombiano di 43 aña di edad na peticion di Hulanda. E homber ta sospecha di ta coordina produccion di cocaina y metanfetamina di na cristal na Hulanda pa cartelnan Mexicano, segun Europol a bisa diamars.
Un investigacion lidera pa Hulanda a conecta e homber na un confiscacion di 2.5 ton di metanfetamina na 2019 y al menos 20 miyon euro den placa laba for di Hulanda pa Mexico y Colombia, segun Europol. “E sospechoso tambe ta asocia cu e importacion di cantidadnan grandi di cocaina y cu varios laboratorio di droga na Hulanda.”
E homber a ser deteni diamars, dia 18 di juli. E ta den costudia wardando extradicion pa Hulanda. “Durante e curso di e investigacion, varios laboratorio di droga a ser desmantela na Europa y mas cu 50 sospechoso a ser deteni,” Europol a informa.
E investigacion den y e detencion di e magnate supuestamente tambe ta parti di un strategia mas grandi pa desmantela e organisacionnan di droga Mexicano y Colombiano activo den Europa.
Potret cortesia di Europol.
