Den nos corant di ayera nos a trece e noticia di parti di Ministerio Publico riba un suma grandi di dollar cu nan a confisca riba un boto Venezolano riba 2 di april.
Kustwacht a descubri esaki durante un control di rutina. Bon Dia Aruba a puntra con grandi e suma ta y nos a haya for di Ministerio Publico e informacion cu ta trata di 100 mil dollar. Nan a detene dos persona bou sospecho di labamento di placa. Un par di siman pasa Merca den un rapport a indica cu Aruba ainda ta keda un centro pa labamento di placa procedente di traficacion di droga.
