(AP)—“Suicide bombers” femenino a atake un boda, un entiero y un hospital den atakenan coordina den parti nort di Nigeria cu a mata al menos 18 persona, segun autoridadnan local a bisa ayera.
Ningun hende a tuma responsabilidad pa e atakenan den e estado di Borno, cual a ser afecta significantemente pa e insurgencia lansa na 2009 pa Boko Haram. E grupo extremista a usa hende muhe y mucha muhe den pasado den bombardeonan suicidio, causando sospecha cu algun atacador a bin for di e miles di hende cu e militantenan a secuestra durante e ultimo añanan, incluyendo muchanan chikito.
E prome bomber a detona un aparato durante un celebracion matrimonial den e ciudad di Gwoza, segun Barkindo Saidu, director-general di e Borno State Emergency Management Agency, a conta reporteronan. “Algun minuut despues, un otro bombardeo a sosode cerca di e hospital general”, segun Saidu, y e tercer bomber tabata presenta na un servicio di entiero disfrasa como un familiar. Mucha- y hende muhenan na estado tabata entre esnan cu a ser asesina. Al menos 30 persona a keda herida, y Saidu a bisa cu e heridanan a inclui ruptura abdominal y fracturanan cranial.
Presidente Nigeriano Bola Tinubu a bisa den un declaracion cu e atakenan tabata “actonan desespera di teror” y “un episodio isola.” E insurgencia, cual a plama riba e fronteranan rond di Lake Chad, a mata mas cu 35,000 hende, a desplasa 2.6 miyon otro y a crea un crisis humanitario.
Boko Haram, cu un sector alia cu e Islamic State Group, kier instala un estado Islamico den Nigeria, e gigante di azeta den West Africa di 170 miyon hende dividi caso igualmente entre un parti sur Cristian y un norte predominantemente Musulman.
E resurgimente di bombardeonan suicidio den Borno a causa preocupacionnan significante tocante e situacion di seguridad den e region. Autoridadnan a impone un toque de queda den e ciudad. Gwoza ta cerca di Chibok, unda 276 mucha muhe a ser secuestra na 2014. Casi 100 di e muchanan ainda ta den captividad.
Desde e tempo ey, al menos 1,500 studiante a ser secuestra den Nigeria como cu gruponan arma ta haya e practica un manera lucrativo pa funda nan actividadnan criminal y tuma control di pueblonan.
