Sue Ann Ras lo retira entrante aña parlamentario nobo 

Despues di e incidente cu a tuma luga den Tweede Kamer unda a haya Parlamentario Sue Ann Ras ta wak un pleicula riba Netflix, el a entrega su retiro. Pa cu esaki Partido MEP a haci un apelacion riba SueAnn pa reconsidera, pero SueAnn ta keda na su decision, en bista cu pa SueAnn ta e miho forma di procede den e funcion cu e tin. 

E Parlamentario a dicidi cu definitivamente e lo retira di Parlamento, entrante aña parlamentario nobo. 

Riba peticion di partido, SueAnn lo keda den Parlamento te cambio di aña parlamentario dia 10 di september, pa asina e reunionnan den Parlamento por continua y pa duna partido espacio pa regla e sucesion.

Partido a haci un apelacion riba SueAnn pa sigui yuda Gobierno cu e trabounan riba tereno social y di enseñansa y ta spera cu Ras por considera esey.

Partido MEP ta gradici Parlamentario SueAnn Ras pa e trabou cu el a haci durante su temporada como Parlamentario pa Fraccion di MEP y e partido mes y ta dese’e tur exito.