Forsa di siguridad a ataca e campo central di e movecion di protesta na e pais. Esaki a cuminsa cu tiramento y cendemento di candela na tent, matando 13 persona. El a sosode pa luna largo despues cu militar a tuma poder, testigo y lider di protesta ta bisa.
Un video cu ta circulando rond a bisa cu autoridad tabata dal un protestant cu palo. ‘Esaki ta un punto critico den nos revolucion. E conseho militar a scoge pa escala y confronta’, Mohammed Yousef al-Mustafa a bisa, kende ta vocero di asociacion di profesional di Sudan.
Pa lunanan miles di persona den campo y otro luga di protesta a wordo demanda na un transicion di regla civil. Segun autoridad a bay na e luga ey pasobra tabata tin actividad criminal tumando luga.
Dura Gambo, un activista, a bisa cu gran cantidad di militar a captura e area y hiba cera protestant cu kier a sali for di e luga. Amal al-Zein, otro activista a bisa cu forsa di siguridad a cende candela den area ‘den tur direccion’.
E comite di ‘The Sudan Doctors’ a bisa cu personal medico y persona herida ta trapa den clinica di e area y ta demanda cu nan kier autorisacion pa sali. ‘Persona herida ta tira na vloer na area di recepcion unda cu no tin suficiente cama’, Azza al-Kamel, kende ta dokter a bisa.
Un periodista di prensa asocia a tende tiramento y explosion. Tambe el a wak bus y soldat ta blokia e caminda unda e protesta tabata tuma luga. Ciudadano no tabata tin permiso pa cana riba caminda, incluyendo muhe y mucha.
Embahada di Merca a bisa na forsa di siguridad di e pais pa nan stop locual ‘ta atake contra protestant y otro civil’. Ifran Siddiq, embahador Britanico na Sudan ta bisa cu e ta ‘extremadamente preocupa’ y cu no tin excuus pa atake asina.
