(plantbasednews.org) – Webo pa largo ta e strea di mesanan rond mundo. Yen di proteina, accesibel y hopi biaha barata, pakico hende lo scoge webo vegano e ora?

Instituto Nacional di Salud di Reino Uni ta recomenda pa come webo como parti di un dieta saludabel y balansa. Nan ta e lijm di confiansa pa desayuno di panaderia, un adicion pa salada of pizza, y e curason di cumindanan delicioso.

Sinembargo, consumo di webo tin implicacionnan etico y ambiental – desde nan contenido di colesterol te na e condicionnan cruel den cual ta tene galiña pa produci webo. Es mas, e antibioticonan cu ta hinca den cuminda di galiña ta haya den webo tambe.

Mirando esaki – y e cada bes mas popular movemento vegano – marcanan ta buscando formanan pa recrea e webo perfecto, tanto den textura como sabor. Alternativanan ta varia, desde kibra tofu of habri un bleki garbanzo. Webonan vegano t’ey pa keda, y ta birando mas accesibel.

Den e articulo aki ta discuti algun di e implicacionnan ambiental y etico di come webo, como tambe explora nan perfil nutritivo. Ta evalua e controversia rond di colesterol den webo y kico e evidencia ta bisa di nan efecto riba salud.

E problema cu webo
 Ta pinta webo como sea e malvado of e fuente di salud – y casi nunca algo memey. E debate riba si nan ta saludabel of no ta documenta ampliamente. Sinembargo, e impacto ambiental di cria galiña como parti di sistemanan di agricultura animal intensivo ta indisputabel.

Cu brotenan recien di grip aviario na criaderonan di galiña, y matansanan di puyitonan macho como parti di e proceso di produccion di webo, tin mas y mas motibo pa evita come webo.

Webo produci masalmente tambe ta contene antibiotica, hormoon y colorante. Esaki pasobra hopi biaha ta usa antibiotica den nan cuminda como forma pa maximisa crecemento y preveni malesa den condicionnan hopi preta.

Segun Centro pa Control y Prevencion di Malesa (CDC) na Merca, webo por contene salmonella, cu por haci hende malo. Mester evita come webo curu of tiki cushina, y warda nan adecuadamente. Sintoma di salmonella por inclui diarea, kentura, dolor di cabes, nausea y sacamento como tambe un debilidad di sistema immuun.

Perfil di nutricion
 Webo ta un bon fuente di algun nutriente esencial, y expertonan generalmente ta recomenda pa hende inclui webo como parti di un dieta saludabel.

Un webo mediano (44 gram), henter y curu, tin e siguiente perfil di nutricion:
62.9 caloria; 5.54 proteina; 4.18g vet; 129 miligram mg choline; mineralnan incluyendo selenium, magnesium y calcio; vitamina incluyendo A, D, y folate; antioxidantenan incluyendo lutein y zeaxanthin.
Un webo mediano ta contene 164mg di colesterol, mayoria di esaki den e dor.

Webo ta saludabel?
 Expertonan di salud ta keda dividi tocante e peliger di colesterol den webo y con hopi webo hende mester consumi.

Asociacion Mericano di Curason (AHA) ta conseha pa hende scoge con hopi webo ta come dependiendo di nan factornan di riesgo. Den general, hende cu tin diabetes of mayor riesgo di malesa di curason mester monitor colesterol den nan dieta. AHA ta sugeri un webo henter of dos webo sin dor pa dia.

Segun Comite di Medico pa Medicina Responsabel (PCRM), un cantidad di estudio ta vincula consumo di webo na mayor riesgo pa desaroyo ambos condicion. Sinembargo, estudionan recien a destaca e riesgonan di colesterol dietetico den webo.

Un estudio na 2019 den JAMA a sugeri cu hende cu ta consumi mas colesterol dietetico of webo tin un riesgo significantemente mas halto di malesa cardiovascular y mortalidad pa tur causa.

Ademas, industria di webo ta continua influencia guianan di alimentacion, segun PCRM. Den un comunicado di prensa nan a bisa cu un miembro di e Comite di Conseho pa Guia di Alimentacion 2020 (DGAC) a keda nomina pa United Egg Producers. DGAC ta yuda produci guianan di alimentacion pa Mericanonan.

Otro estudionan simplemente ta dirigi hende na un dieta basa riba planta, cu alimentonan henter, pa reduci chens di desaroya malesanan cronico y controla colesterol.

Kico ta webo vegano?
 Bo por usa ingredientenan manera flax of aquafaba pa reemplasa webo den receta, of cumpra reemplasonan comercial pa webo, cual fabricantenan ta traha di diferente ingrediente. E beneficionan nutricional di webo vegano ta depende riba e alternativa. Por ehempel, tofu ta un bon fuente di proteina, y flaxseed ta provee fibra y acidonan vet esencial.

Pasobra webo vegano ta basa riba planta, nan no ta contene colesterol dietetico. Es mas, cumpra webo vegano tambe por yuda medio ambiente.

Por ehemplo, fabricantenan di webo vegano lider, JUST, ta usa 98% menos awa cu fuentenan animal, y ta bisa cu tin un footprint di cabron 93% mas chikito.

Tipo di webo vegano
 Aki algun ingrediente cu por usa pa reemplasa webo.

Tofu: orguyosamente reemplasando webo ta un ‘tofu scramble’ mira riba e potret. Hopi biaha ta trah’e cu silken tofu, ya cu e ta mas suave y ta tuma e textura di webo. Silken tofu ta contene 6.9 gram di proteina per 100g, y tur nuebe aminoacido esencial. Adicionalmente ta un fuente di calcio, hero y magnesium. Recetanan di tofu scramble frecuentemente ta involucra siboyo y conoflok, despues agrega e tofu y cushin’e hunto. Por agrega salo, peper, turmeric pa color, y tambe yeast nutricional.

Flax: Webo di flax ta traha di flaxseed machica y awa cayente. Por cumpra nan machica caba of haci esaki den food processor. Ora ta mescla nan y laga nan sinta par di minuut, e combinacion ta forma un textura ‘sticky’ (pegahoso) similar na webo. Hopi biaha hende ta usa esaki pa traha bolo of pan. Flax ta un alternativa nutritivo tambe, ya cu ta un fuente di acido omega-3 y fibra dietetico.

Aquafaba: A pesar di su nomber inusual, aquafaba ta simplemente e likido haya den bleki di garbanso. Hopi biaha ta tira esaki afo, pero si batie, e ta crea un alternativa fluffy na meringues. Ta usa Aquafaba den cocktail vegano pa crea un textura di scuma.

Chia: Pa traha webo di chia, combina un cuchara di simia di chia cu dos cuchara y mei di awa. Nan ta tremendo pa waffles y cuki, y manera flaxseeds, simia di chia ta un bon fuente di acido omega-3. Simplemente mescla e ingredientenan y lag’e para cinco minuut pa e bira diki.

Applesauce: Apel ta un bon fuente di fibra y polyphenol. Investigacion ta sugeri cu por tin beneficio pa salud di tripa y salud cardiovascular. Por usa ¼ cup of 32gr applesauce como substituto pa un webo. E naturalesa dushi di applesauce ta bon pa cupcake y cuki vegano. Y por traha bo mesun applesauce.

Bonchi mung: Cantidad di hende a purba di recrea e JUST Egg di Just Foods usando bonchi mung. Algun receta ta pidi pa laga e bonchi sinta den awa durante anochi prome cu mix nan cu lech’i coco y yeast nutricional. Por hasa e mescla y e tin un resultado fluffy manera webo.

Marcanan di webo vegano comercial: Mas y mas marca ta bin cu formanan alternativo di webo vegano. Nan ta varia desde dor likido te e parti blanco, of combinacion. Pa emula e efectonan di webo ora di cushina, hopi di e productonan aki ta contene aditivo y ingredientenan procesa, pues check bon e ingredientenan y informacion nutricional riba e paki prome cu scoge un marca.