(NLTimes) – E subsidio pa cuido di mucha lo aumenta proximo aña, segun Ministerio di Asuntonan Social y Empleo a anuncia diaranson.

E mayornan cu tin un ingreso averahe lo beneficia mas di esaki, ricibiendo casi 1,000 euro extra otro aña. E ta un paso modesto y intermedio den direccion di haci cuido di mucha gratis pa tur mayor cu ta traha na Hulanda den 2027, segun NU.nl a reprota.

For di januari 1, viviendanan cu un ingreso di entre aproximadamente 29,400 euro pa 159,200 euro lo ricibi un subsidio di cuido di mucha mas halto. E medida aki lo costa 429 miyon euro y probablemente lo beneficia centenares di vivienda. E subsidio pa e prome yiu, pa ken cuido di mucha ta mas caro, lo aumenta cu alrededor di 10 porciento pa e mayornan cu ingreso medio.

Un famia cu ta genera 45,000 euro pa aña y tin un solo yiu actualmente ta haya 87.3 porciento di e gastonan di cuido di mucha debolbi. For di dia 1 di januari, esaki lo yega na 96 porciento.

Famianan cu dos mayor cu ta traha y dos yiu den cuido di mucha 2 biaha pa siman lo ricibi te hasta 1,000 euro mas proximo aña. Un vivienda cu ta consisti di e mesun cantidad di persona pero tin un ingreso anual di 63,100 euro lo ricibi 994 euro mas den subisidio den 2025. Esaki lo aumenta

For di aña 2027, e gobierno kier cubri 96 porciento di e gastonan di cuido di mucha pa tur mayor cu ta traha sin importa nan ingreso. Actualmente, traha mas no tin sentido pa algun famia pa motibo cu cuido di mucha ta costa mas cu e placa cu nan lo genera den e tempo cu nan yiu lo pasa na centronan di cuido. Gobierno ta spera cu, pa medio di haci cuido di mucha practicamente gratis pa tur hende, mas mayor lo ta dispuesto pa traha y yuda alivia e escasezdi empleado cu tin den henter e pais.

Thomas van Huizen, un economista di Utrecht University, a adverti cu e gobierno no por anticipa un ganashi di one-to-one cu e medida aki. “Si 10 extra mucha bay centro di cuido danki na e aumento di subsidio, alrededor di 2 mama extra lo bay back trabao,” el a conta NU.nl/ Mayornan hopi biaha lo intercambia welonan ta cuida e yiunan pa un dia extra na centro di cuido.