(TMZ) – Un submarino cu ta duna un tour bao awa di e famoso cruise ship cu a hundi Titanic, a disparce durante un expedicion recien y awo autoridadnan ta den su buskeda den e oceano Atlantico.
E submarino aki a disparce na algun momento durante e fin di siman, cu un operacion di escala completo lansa dialuna pa haya y rescata e submarino via Wardacosta Mericano. Reportahenan ta bisa cu dentro di e submarino tabatin 4 empleado y un turista.
Te ainda no ta cla unda e submarino a perde contacto cu e base, pero repotahenan ta bisa cue submarino a cuminsa e bahada di 12,500 pia pa yega cerca di Titanic cerca di e costa di Newfoundland, Canada. Un explorado di mundo Britanico famoso yama Hamish Harding ta aparentemente e unico persona fuera di empleadonan cu tabata compaña den e submarino, manera su famia a confirma.
Harding, ken a paga pa e biahe cu Jeff Bezos den Blue Origin Rocket, a publica un potret di su persona riba diadomingo unda el a anuncia cu e lo ta e ultimo persona cu lo mira Titanic den aña 2023. E organisacion cu ta doño di y ta opera e submarino, OceanGate Expeditions tin den plam pa sigui cu biahenan den aña 2024, y esaki tabata e ultimo cu lo a tuma luga e aña aki.
OceanGate a bisa cu e submarino aki ta pertenece na nan y cu nan ekipo te ainda no a bolbe back di nan mision. Nan ta un compania priva cu ta ofrece tour di Titanic y e ticketnan tin un prijs di te hasta 250,000 dollar. Normalmente, e tripnan aki den OceanGate Titan ta dura por lo menos 8 dia total y e bahada por dura te hasta 10 ora. OceanGate a bisa cu hopi biaha nan ta depende riba tecnologia di satelite pa por mantene comunicacion cu e submarino, sinembargo den e caso aki a perde tur comunicacion.
Segun e compania nan enfoke actualmente ta “riba e empleadonan di e submarino y nan familiarnan.” Nan a agrega cu nan ta “explorando y mobilisando tur nan opcion pa trece e ekipo back safe.” Actualmente, te ainda ta aparenta cu no tin señal di bida.
