Segun un estudio conduci door di OECD (the Operation for Economic Co- Operation & Development) nan a evalua e nivel academico di studiantenan rond mundo for di cual studiantenan Ingles ta riba e nivel di mas baho den lesamento. Esaki den comparacion cu e resto di e 23 pais mas desaroya na mundo.
Nan a conclui cu: ”E Universidadnan ta pone poco atencion riba e problema di nivel baho den lesamento y wiskunde. Esunnan cu ta gradua cu nivelnan basico ta haya un entrada modesto pa nan cualificacion y mayoria biaha nan no por paga bek nan prestamo di scol.
Universidadnan na Inglaterra tin un sistema relativamente grandi awo pa trata cu participantenan cu potencial baho”. Hobennan na Inglatera entre e edadnan di 16 cu 19 aña a wordo confirma di tin solamente un comprension ‘basico’ di Wiskunde y Ingles, cu 9 miyon hende den e industria laboral
tambe cu tin un nivel baho den lesamento y wiskunde.
Basa riba data di aña 2012, e rapport ta indica cu condicionan por cuminsa mehora door di e reformanan di parlamentario Michael Gove pa mantene e hobennan den e sistema di educacion te cu nan 18 aña di edad. E reformanan a introduci examen mas
avansa y vak nan manera ‘Technico di Huña’ a wordo elimina.
Esaki a duna un oportunidad pa critica e gobierno, culpando nan di a faya miserablemente cu e normanan di educacion pa e muchanan di Inglaterra. Alan Smithers, director di e Centro Di Educacion & Labor a bisa The Times cu educacion na Inglaterra a wordo
”ciega door di e speransa den educacion progresivo. E generacion mas bieu a siña Ingles y Wiskunde den un manera formal pero creencia den un sistema mas progresivo a hasi cu e muchanan a bai hopi atras den nan estudio”.
Un vocero di gobierno a bisa The Mirror cu ”Ingles y Wiskunde ta hopi importante pa logra obtene un bida exitoso den futuro, y danki na e reformanan cu tin awo, miles di studiantenan ta
graduando cu e abilidadnan necesario aki”.
South Korea a sali top riba e lista pa cu lesamento y matematica.
Source: Independent
