(NLTimes) – Studiantenan di scol secundario na Amsterdam ta experiencia stress cu mas frecuencia compara cu e averahe na Hulanda, segun un estudio publica diabierna. Ademas, e estudio a ilustra cu un tercer parti di e studiantenan di kehonan psicologico, y un di 5 parti a considera suicidio seriamente. Alcalde di Educacion Marjolein Moorman a yama e resultadonan “alarmante” den un respuesta.
Stress ta experiencia pa mita di e studiantenan na Amsterdam. Studiantenan femenino den e nivel di HAVO/VWO en particular ta experiencia stress y sufri di kehonan psicologico, segun e investigadornan. E studiantenan ta den programanan cu ta na caminda pa drenta universidadnan di investigacion y universidadnan di ciencianan aplica.
E investigacion tambe a demostra cu tin segregacion den educacion secundario na Amsterdam, cu “e proporcion di studiantenan cu tin mayornan cu educacion vocacional/universitario cada biaha aglomerando mas den algun scolnan di Amsterdam,” Moorman a skirbi den un carta tocante e estudio. E alcalde a yama e situacion aki “preocupante” pa motibo cu esaki por causa “diferencia den futuro.”
E estudio tambe a demostra cu e escasez den docente tambe ta keda aumenta y cu mita di Amsterdam su maestronan ta “experiencia demasiado tiki espacio y tempo pa guia y brinda sosten na e studiantenan,” e carta a sigui splica. E habilidadnan den matematica y lenguahe di e studiantenan drentando educacion secundario den e capital tambe ta den disminucion.
“Tin gran preocupacion tocante e bienestar di studiantenan den educacion secundario,” Moorman a comenta, ken lo trata e resultado cu e “sector di educacion.” E municipalidad a bisa cu nan lo enfoca riba “prevencion y sosten” via “varios programa.” E intencion ta cu Moorman lo manda e Conseho un muestra di su “Education Agenda” pa 2023.
