(NLTimes) – Capsulanan cu ta laga hende flota pa medio di un tubo cu velocidad di 1,000 kilometer pa ora direccion na nan destino por ta algo futuristico, sinembargo studiantenan na TU Delft ta convenci cu e capsulanan aki yama Hyperloop ta e medio di transport di futuro. Riba diabierna nan a introduci na e publico nan vision y e prototipo nobo cu un exhibicion na Rotterdam.
Hyperloop ta un tip di ‘pneumatic post’ pa sea hendenan of articulonan. E treinan, yama ‘pod’, eventualmente mester pasa door di e tubonan como si fuera cu forsa di vacuum. Hende potencialmente lo por biaha for di Amsterdam na Paris dentro di mey ora, di manera completamente electrico y sin emiti CO2 of otro substancianan dañino.
“E bentaha mas grandi ta eficacia,” Gijs Roodenburg di 23 aña, parti di e ekipo di studiante a comenta. “Pa motibo cu no tin aire ni tampoco resistencia, bo no tin mester di asina hopi energia compara cu si bo crea un avion electrico por ehempel.”
E ‘pod’ cu e ekipo di studiante di Delft Hyperloop a crea ta e centro di e Hyperloop Experience, cual lo ser organisa riba diasabra na Steur, Rotterdam-West. Helios I ta un model di 2 meter largo.
Un funcion nobo di e diseño aki ta cu e pod ta ser guia ariba y no ta core riba un tipo di caretera mas, manera e modelnan anterior. E ‘pod’ ta flota pa medio di un sistema electromagnetico. “E prome biaha cu nos a mire bula, e tabata un momento hopi special,” Barte van der Zijden, di 22 aña di edad a expresa.
Den un reportahe, Delft Hyperloop a skirbi cu esaki ta nifica cu Transport lo distingui su mes den e futuro cu “temponan mas lihe, comodidad mehora y potencialmente ticketnan na prijsnan mas abao.” Crea e infrastructura pa esaki si ta “rekeri un inversion bastante grandi” na comienso.
