(NLTimes) – Utrecht University ya caba a ricibi notificacion di varios studiante internacional desapunta cu lo pospone nan estudio pa un aña pa motibo cu nan no por haya acomodacion.
E universidad anteriormente a adverti studiantenan pa reconsidera nan estudio si nan no por haya vivienda ni acomodacion den e ciudad. Apesar di esaki, varios studiante ta sigui busca vivienda pa nan por cuminsa cu nan programa di estudio.
E escasez di vivienda pa studiante tin añanan largo siendo un problema. Centro di conseho pa studiantenan Lences a bisa cu lo tin escasez di mas o menso 26,500 camber den e aña academico binidero, segun director di Kences Jolan de Bie.
Utrecht University (UU) no sa con hopi studiante a retira nan intencion di registra pa lesnan e aña aki, ni tampoco programanan pa causa di falta di acomodacion. E cantidad di studiantenan internacional premira na Utrecht e aña aki tampoco ta conoci. Studiantenan internacional hopi biaha ta aplica na varios universidad, cual ta nifica cu e cantidad di aplicacionnan por cambia na comienso di e aña academico. Aña pasa, 2,776 studiante internacional eventualmente a cuminsa un programa na e universidad.
E scol ta reserva 1,250 camber di proveedornan di vivienda pa studiantenan internacional, pero esaki ya caba ta completo, un vocero a bisa. UU a reserva otro 75 luga na hotel Stayokay pa studiantenan cu tuma e decision di cuminsa nan estudio aunke nan no tin vivienda.
