(NLTimes) – Hobennan na Hulanda sa menos tocante ciudadania y democracia compara cu hobennan den otro paisnan comparabel y ta siña menos tocante e topiconan aki na scol. Tambe nan tin menos confiansa den nan propio ciudadania y habilidadnan cu e otro hobennan den paisnan comparabel. Esaki ta loke a sali na cla den un estudio ehecuta pa e universidadnan di Amsterdam y Groningen pa e Ministerio di Educacion.
“Studiantenan Hulandes sa mesun hopi tocante ciudadania y principionan democratico cu e averahe internacional sinembargo sa significantemente menos cu e studiantenan den areanan similar na Hulanda, manera e paisnan di Scandinavia of e estado Aleman di Rhine-Whestphalia,” e investigadornan a nota.
E conocemento di e hobennan Hulandes den e topiconan aki a disminui compara cu 6 aña atras, sinembargo e moda aki tabata visibel den tur pais. Den caso di Hulanda, hobennan ta busca informacion tocante problemanan social y ta trata esaki menos cu otronan compara cu hobennan di otro paisnan similar. Varios hoben, casi 80 porciento, ta kere cu democracia ta e miho manera pa goberna un pais, ta kere cu e sistema politico ta traha y ta expresa confiansa den e gobierno. Sinembargo, e confiansa di e hobennan Hulandes den e gobierno ta hopi mas abao compara cu esun di hobennan den otro paisnan. “Aunke casi 3 kwart di hobennan ta bisa cu nan lo vota ora nan haci 18 aña, e cantidad aki ta mas abao cu e paisnan similar na Hulanda. Adicionalmente, e hobennan na Hulanda ta expresa menos sosten pa igualdad di genero y derechonan igual pa gruponan etnico.”
E investigadornan tambe a nota diferencianan remarcabel entre e hobennan na Hulanda su dependencia riba nan mayornan su nivel di educacion, si nan tin un antecedente di migracion y ki scol nan ta bay. E hobennan cu mayornan cu tin un nivel halto di educacion ta mas probabel di sa mas tocante e topiconan aki y ta expresa mas sosten pa derechonan igual, por ehempel.
