(NLTimes)—Studiantenan regularmente ta uza medicamento pa ADHD sin un prescripcion pa yuda nan studia mas miho, segun e Instituto Hulandes pa Salud Publico y Miedo Ambiente (RIVM) a reporta ayera. RIVM ta pensa cu studiantenan ta hayando e medicamentonan aki for di otro cu si tin un prescripcion pa esaki pasobra e instituto no a haya ningun indicacion di medicinanan importa of cumpra online riba un scala grandi.
Un encuesta pa e Instituto Trimbos y e servicio di salud municipal (GGD) a mustra cu casi 1 den 20 studiante a uza e medicamentonan aki sin prescripcion. E medicamento usualmente uza pa ADHD na Hulanda ta methylphenidate, cual ta ser bendi bao di marcanan manera Ritalin y Concerta. E medicamento ta rekeri un prescripcion di dokter pasobra esaki por tin efectonan serio manera mareo, batimento di curason, insomnia, y–menos comun—ansiedad y depresion.
RIVM a test e sistema di riolering den e ciudadnan di studiante manera Amsterdam, Eindhoven y Utrecht pa acido ritalinico, e substancia cu methylphenidate ta procesa den e curpa, y a compara e cantidad di prescripcion suministra pa dokter den e ciudadnan aki. E dos factornan aki a coresponde basta bon, cual ta indica cu no tin ningun cantidad adicional di methylphenidate cu ta drentando e ciudadnan for di otro recurso den cantidadnan grandi, segun RIVM.
Pa preveni mal uzo di medicamentonan pa ADHD, RIVM a conseha dokternan pa prescribi nan den cantidadnan mas chikito: “Ta importante pa nan check suficientemente cu e pashent si e medicamento ta trahando bon y si su uzo ta keda necesario,” RIVM a declara.
