Bou auspicio y guia di Divi & Tamarijn Aruba All Inclusive, Universidad di Aruba, Facultad di Hospitalidad y Turismo (FHTMS) ta presenta pa di tres biaha un “Experiential Benefit Dinner” cu lo tuma lugar dia 23 di Maart 2024 proximo den e hardin espectacular di Universidad di Aruba. E grupo di studiantenan den nan di dos aña di e Meetings & Events Management course lo ta preparando un evento cu tema “Latin Vibes” pa 100 persona, cu lo inclui un cena di cinco plato y su biña corespondiente acompaña cu entretenimento specifico na e plato nan. Un experiencia unico.
E evento tin dos meta:
Na prome lugar, e lo ofrece e studiantenan un klas bibo, caminda cu nan lo organisa y ehecuta e evento di comienso te final, lo prepara e menu, set up, sirbi y break down bou guia di expertonan di Divi & Tamarijn Aruba All Inclusive. Na di dos lugar, e lo ta un evento pa recauda fondo pa facilita entre otro, biahenan y actividadnan educativo pa studiantenan di e facultad.
“E cena special aki tin metanan adicional cu ta habri porta pa mas colaboracion entre partnernan den e industria. Proyectonan asina ta permiti studiantenan yega y surpasa nan potencial, paden y pafo di e cuater murayanan di un klas tradicional, a traves di”experiential learning’. Ademas e ta ofrece na nan oportunidadnan cu lo tin un impacto pa bida largo.”
Nos ta invita nos comunidad di Aruba pa un anochi di cumindanan delicioso, entretenimento y combersacionnan ameno tur pa un bon causa. E evento lo ta dia 23 di Maart, 2024 di 6:00 – 10:00pm na Universidad di Aruba. Lo tin un welcome drink, entretenimento musical, y un cena di 5 plato. Ticketnan ta disponibel pa $100 pa persona, tambe tin mesa nan di 2 persona disponibel. Companianan cu kier gradici nan staff, mihor empleadonan, y/of clientenan y regala nan esaki por tuma contacto cu studiante Lauren Croes via email laurencroes@hotmail.com of maestra Jo-Anne Croes via email jo-anne.croes@ua.aw.
