(NLTimes) – Studiantenan cu ta purbando gradua di scol secundario e aña academico aki lo ricibi permiso pa bolbe ripiti examen. Tambe lo por haci uso di dos periodo pa haci nan examen, dunando nan mas tempo pa prepara pa esaki.
Scolnan a permanece habri e aña aki, pero e tabata leu di lo normal considerando e cantidad di cuarentena y ceramento temporal cu e studiantenan mester a pasa aden, Minister di Educacion Arie Slob a nota. “Pa e motibo aki, despues di a consulta cu e scolnan, maestronan y studiantenan, mi a dicidi cu e aña aki su candidatonan di examen lo ricibi un extra oportunidad, y lo tin suficiente espacio pa bolbe tuma e examen y expande e examen tambe.” Esaki ta e tercer aña tras di otro cu mester a ahusta e examennan final pa causa di e pandemia di coronavirus.
Slob a bisa e kier duna studiantenan e oportunidad di “completa nan tempo den scol secundario den un manera positivo.” Un di e cambionan e aña aki ta cu studiantenan di VMBO lo ser rekeri di tuma e examen di estado pa dos materia vocacional. Un examen ordinario di scol lo ser considera suficiente pa e otro materianan. Studiantenan cu tuma e examinacion di estado tambe lo por ricibi asistencia di un consehero confidencial e aña aki.
E prome periodo di examen final lo tuma luga durante e ultimo mita di mei. E siguiente periodo lo ta di dia 5 di juli te cu 8 di juli.
E Gabinete lo aloca 51 miyon euro pa ahusta e proceso di e examen final.
