(NLTimes) – Mas di dos aña desde cu e Gobierno a cera scolnan durante e prome lockdown relaciona cu coronavirus, e studiantenan di scol primario te ainda ta enfrentando retrasonan significante den matematica y spelling.
Sinembargo, nan lesamento a bolbe back na nivelnan prome cu coronavirus, segun e investigadornan di National Educacion Cohort Study (NCO), NRC a reporta.
E averahe di retraso pa matematica ta 10 siman pa cada aña escolar, un kwart di e aña escolar total, segun e investigadornan. E studiantenan ta lucha pa actualisa den e materia aki, Carla Haelermans, lider di investigacion na NCO y profesor di economia educacional na Maastricht University a splica e corant. “Si bo perde un cierto pida di e conocemento basico, e lo keda traha riba bo. Bo no por corectamente conecta e informacion nobo na loke bo tabata mester a sa caba.”
A logra bay back na tiki di loke a ser haci den e di dos aña di e pandemia pa motibo cu e aña escolar tabata “slordig”, Haelermans a comenta. Varios les a ser haci for di cas, y hopi scol a lucha cu escasez di maestro. “Programanan pa purba catch up hopi biaha no por a tuma luga pa motibo cu no tabatin persona pa duna e lesnan,” el a sigui conta.
Mester remarca, cu investigadornan a haya cu e studiantenan cu mayornan di educacion mas abao a logra catch up hopi mas lihe cu e studiantenan cu tin mayornan di educacion di nivel mas halto. Ora cu scolnan a cera pa prome biaha, e consecuencianan tabata mas visibel entre studiantenan cu tabatin mayornan kendenan no pro a yuda nan cu les di scol na cas.
“E diferencia entre studiantenan a bira hopi mas chikito. E biaha aki ta den beneficio di e grupo di studiantenan vulnerabel,” Haelermans a expresa.
