(NLTimes) – Studiantenan di Eindhoven University of Technology a desaroya y crea un auto electrico cu ta usa un filtro special cu ta captura mas CO2 di loke e auto ta emiti.
E studianten lo continua cu e desaroyo y mehoracion di e vehiculo, Zem, pa haci esaki ‘carbon neutral’ desde produccion te cu su reciclahe, nan a bisa den un declaracion.
E auto a ser desaroya pa e ekipo di studiante TY/ecomotive. E por captura 2 kilogram di CO2 pa medio di un filtro special. E ekipo ta den proceso di aplica pa proteccion pa nan filtro. Segun e ekipo, 10 di e auto aki por captura e mesun cantidad di CO2 cu un mata averahe. “Esaki porta no ta parce hopi, pero e bentaha general ta significante si bo implementa esaki den un escala grandi,” e ekipo a bisa. “Tin mas di 1 biyon auto ta core mundialmente.”
E ekipo tin e confiansa cu nan filtro por cambia e mundo. “En realidad te ainda e ta den su desaroyo, pero ya caba nos por mira cu nos lo por aumenta e capacidad di e filtro aki den e añanan binidero. Captura CO2 ta compensa pa e emisionnan durante produccion y reciclahe,” lider di e ekipo Louise de Laat a comenta.
