(NLTimes) – Studiantenan di TU Delft a disena un prototipo nobo pa Hyperloop.
Cu nan trabao experimental, nan ta spera du por trece e modo di transporte ultra lihe aki un paso mas cerca di realidad. “Un momento di orguyo y un logro,” e ekipo di studiante di Delft Hyperloop a bisa na e revelacion di nan diseno. Nan a presenta e plan di construccion na personanan cercano dialuna anochi y lo publica esaki online den e dianan proximo.
Hyperloop ta un tipo di sistema postal pa hende of productonan. Biahenan cu Hyperloop ta tuma luga den un ‘pod’, cual ta un tipo di garoshi cu ta biaha na velocidadnan hopi halto door di ‘vacuum tubes’ haciendo uso di magneet. Si e forma di transport aki bira un realidad, hendenan lo por flota di Amsterdam te Paris den 30 minuut. Esaki ta e sono y vision di e 38 studiantenan aki cu ta colaborando riba e desaroyo di Hyperloop.
Awo cu e fase di e diseno a ser completa, e studiantenan no cuminsa enfoca riba e fabricacion di e sistema Hyperloop. “Un persona no lo fit den esaki. Nos ‘pod’inicial lo ta un modelo di mas o menos dos meter largo y 80 centimeter hancho,” Gijs Roodenburg a comenta, ken ta vocero di e proyecto. E studiantenan lo crea tambe un ruta pa test esaki di mas o menos 70 meter largo na Hilversum. E prototipo lo ta cla pa test na fin di juni.
Loke ta special di e diseno nobo ta cu e ‘pod’ aki ta “colga” riba e ruta. Esaki ta danki na e conduccion magnetico cu ta tuma luga ariba di e ‘pod’ causando cu e pod y magneet di e ruta no ta touch otro. “E elemento aki di colga ta unico. Nunca esaki no a ser haci prome pa un ekipo di studiante,” Roosenburg a expresa. “E ta esencial pa por construi na un escala real mas den futuro.” E diseno nobo ta haci e cambio di ruta hopi mas facil. Companianan trahando riba Hyperloop tambe ta trahando riba e rutanan aki.
Pa motibo cu Hyperloop su ‘pod’ no ta touch e ruta y no ta haya molester di aire, nan por yega un velocidad di mas o menos 1,000 kilometer pa ora. Esaki ta haci nan mesun lihe cu un avion comercial, pero funcionando riba energia hopi mas limpi y eficiente. Avionnan ta kima hopi kerosin y pa motibo aki ta emiti hopi carbondioxido (CO2). Hyperloop ta funciona riba electricidad y potencialmente lo ta hopi eficiente cu e uso di energia.
Delft Hyperloop ta kere cu e tecnologia nobo por yuda reduci e sector su uso di CO2 significantemente. “Pa aña 2030, Hyperloop lo por reemplasa un gran parti di e trafico di mercancia, y pa aña 2040 un gran parti di buelonan cortico por ser reemplasa pa Hyperlook,” e ekipo a declara.
