E luz di mas briyante den shelo ta briya durante e prome anochi di winter e aña aki apenas algun dia prome cu Pasco.
Mira shelo occidental net na bahada di solo dia 21 di december, y lo por ta testigo di algo no bisto desde 1623: dos planeta, Jupiter y Saturno, lo bin hopi cerca di otro, apareciendo como un solo strea den solsticio di winter.
E par di dos obheto alinea den shelo ta yama un ‘conjunction’ pa astronomonan, y ambos planeta gaseoso ta acercando otro den shelo occidental desde october.
E conjunction enorme aki ta merece atencion adicional pasobra e lo ta separa pa menos cu e diameter aparente di un luna yen den e constelacion Capricornus.
Jupiter lo ta e planeta mas briyante, cu Saturno apareciendo un tiki menos briyante apenas 0.1° banda drechi. Ambos planeta gigante di Sistema Solar lo bandona e shelo di anochi pa dia di Pasco.
E evento aki lo ta e ultimo biaha cu mayoria di hende na bida lo mira Jupiter y Saturno asina cerca di otro. Mocionnan orbital ta alinea e dos planeta hunto den un ‘gran conjunction’ cada 19.6 aña; pa loke e proximo lo ta dia 5 di november 2040 y 10 di april 2060, pero ningun di esakinan lo ta mesun cerca cu e conjunction di 2020.
E Strea di Bethlehem ta real?
For di punto di bista di Tera, streanan ta puntonan fiho di luz den shelo. Bijbel ta menciona e Strea di Bethlehem apenas algun biaha den e segundo capitulo di Evangelio di Matthew, sin suficiente detaye pa determina kico precies tabata den shelo.
Algun astronomo ta bisa cu e mago den storia di Natividad por tabata testigo di un cometa, supernova, of e conjunction tripel entre Jupiter, Saturno y Venus.
