(LaMenteEsMaravillosa) – No ta tiki e cantidad di storia di cacho capaz di inspira nos. Nan ta conta di manera conmovedor con e miho amigo di ser humano ta manifesta su solidaridad y lealtad.

Salty, un cacho heroe

Salty ta un golden retriever cu a protagonisa un di e episodionan mas conmovedor durante e infame 11 di september na New York. Su doño, e Colombiano, Omar Eduardo Rivera ta ciego, y Salty su cacho guia. Rivera tabata traha den e toren 1 di e World Trade Center. E tabata na trabao na momento cu e prome di e avionnan a dal den e edificio.

Salty a reacciona cu nervio mientras tabata scucha grito tur caminda. Despues, for di e gang, el a ladra duro. Rivera a sinti como si e tabata yam’e pa nan sali. Asina cu el a bay cerca e cacho, cu paso pa paso a gui’e door di e 71 piso di e edificio cu nan mester a atravesa pa yega caya. Unabes nan a sali, e edificio a cay abao.

Salty a guia su doño te na e parada di metro, y despues te na cas. Su storia a bira famoso rond henter mundo.

Bobby y e forsa di lealtad

Bobby tabata un Skye Terrier cu a converti den un leyenda. Su doño tabata John Gray, un security anochi na Edinburgh, Escocia, kende a adopt’e y el a converti den su amigo inseparable. Sinembargo, Gray a fayece di tuberculosis na 1858. El a pasa e ultimo añanan di su bida cu e cacho, y Bobby no por a compronde kico a pasa.

El a ripara cu John Gray tabata dera den e santana Greyfriars. E ora Bobby a traslada na e lugar pa compaña su doño, hasta mas leu cu e frontera di bida mes.
Esaki ta un di e storianan di cacho cu ta keda warda pa nan doño bolbe, hasta despues cu nan a muri. Sinembargo, e caso di Bobby ta special.

E habitantenan e tempo aya a nota cu e cacho no tabata separa di e graf di su doño, pa ningun motibo. Nan a purba di hib’e, pero e no tabata haci caso. Asina a pasa nuebe aña, te cu a omiti un orden segun cual lo sacrifica tur cacho cu no ta registra. Sir William Chambers a paga e registro pa Bobby y a laga traha un banchi cu su nomber, cual ainda ta conserva den un museo na Escocia.

Bobby a fayece 14 aña despues di su doño. A haci un graf na su honor, y e escultor Wiliam Brodie a elabora un estatua famoso, den tamaño natural, cu ainda ta na Edinburgh. For di aña 2000, e tuma di Bobby ta un especie di Santuario unda hende ta trece taki pa Bobby hunga ‘catch’.