Siman pasa Arubaanse Zwembond a organisa su competencia mas grandi di cada aña, esta e Campeonato Nacional 2019. Durante 4 dia, 182 atleta, representando e 4 clubnan miembro di AZB, a competi den diferente evento pa gana medaya, score punto pa nan team y mehora nan resultadonan personal.

Aruba Dolphins cu 84 landado, 71 landado di Stingray Swimming Team, Swimming Team the Orcas cu 14 y Sports 4 U cu 12 landado a pone e piscina Olimpico Roly Bisslik na Savaneta na candela. Den cada evento, e miho 8 atletanan por score punto pa nan Team. Na final di 5 session Stingray Swimming Team a finalisa cu 3,363.00 punto pa titula Campeon Arubano 2019. Aruba Dolphins Swimming Team a keda Sub Campeon cu 2,782.50 punto, mientras cu Swimming Team the Orcas a termina na di 3 luga cu 192.50 punto.

Tur atleta ariba nan mes tambe a competi pa e trofeonan Individual den cada
categoria.
E ganadonan pa cada categoria y sexo tabata:
6 aña y menos mucha muhe: Jayla Stuut di Aruba Dolphins
6 aña y menos mucha homber: Leandro Santiesteban di Stingray Swimming
7-8 aña mucha muhe: Eva Kock di Stingray Swimming
7-8 aña mucha homber: Enrique van den Hengel
9-10 aña mucha muhe: Mikaela Smith di Aruba Dolphins
9-10 aña mucha homber: Bobby Gibson di Aruba Dolphins
11-12 aña mucha muhe: Giancarla Larez di Stingray Swimming
11-12 aña mucha homber: Jaydon Croes di Stingray Swimming
13-14 aña mucha muhe: Britta Schwengle di Aruba Dolphins
13-14 aña mucha homber: Arvid Farro di Aruba Dolphins
15-17 aña mucha muhe: Elisabeth Timmer di Stingray Swimming
15-17 aña mucha homber: Brandon Cheong di Stingray Swimming
18 aña y mas mucha muhe: Anahi Schreuders di Stingray Swimming
18 aña y mas mucha homber: Mikel Schreuders di Stingray Swimming

Durante e weekend 10 Record Arubano a wordo kibra.
Record Individual den Categoria 6 aña y menos a bay pa e hoben Leandro Santiesteban di Stingray Swimming Team den 50 estilo (43.02) Liber y 50 Pecho (56.72). E atletanan Elite di Aruba, representando Stingray Swimming Team den categoria 18 y mas a bira doño di varios Record di Estafette nobo.
E damasnan Allyson Ponson, Anahi Schreuders, Daniella van den Berg y Elisabeth Timmer den 4 x 50 Estafette di estilo cu tempo di 2:08.76 a kibra ambos e Record di categoria como e Record Absoluto ariba nan nomber. Cu 1:52.09, e mesun 4 damanan a kibra e record di 4 x 50 Estafette estilo Liber di nan categoría ariba nan nomber.
Pa banda di e cabayeronan, Mikel Schreuders, Jordy y Patrick Groters, y Daniel Jacobs a baha e Record Absoluto y di Categoria den 4 x 50 Estafette di estilo cu casi 5 seconde pa 1:49.77. Den e ultimo evento di e careda, e 4 hobennan aki a logra landa un ultimo record di Categoria den 4 x 50 estilo Liber, nan tempo 1:38.41
Den e Estafette Mixto di Estilo Allyson Ponson, Anahi y Mikel Schreuders, y Patrick Groters, cu tempo 1:58.71 a kibra e Record di nan Categoria, y e Record Absoluto.

E Campeonato aki ta indica e clausura di e Temporado 2018-2019 pa Competencianan den Piscina. Despues di e break di Vakantie Grandi e prome competencia pa AZB lo ta 14 di september. Durante e Campeonato AZB a anuncia tur su atletanan di seleccion cu lo representa Aruba den exterior den e lunanan binidero.
Aruba lo participa na e Campeonato Centro America y del Caribe na Barbados di 28 di juni pa 3 di juli. Representando Aruba lo ta Brandon Cheong, Brainsley Dirksz, Gavin Kock, Jaydon Croes, Ronald Fun, Giancarla Larez, Anahi Schreuders y Elisabeth Timmer. Na luna di juli, Patrick Groters, Daniel Jacobs, Allyson Ponson y Mikel Schreuders lo biaha pa Gwangju, Korea pa e di 18 edicion di e Campeonato Mundial di FINA. Di Korea, Patrick Groters, Allyson Ponson y Mikel Schreuders lo biaha pa Lima, Peru na unda nan lo competi den e Weganan Panamericano 2019. Na final di augustus, Chloë Farro, Gabriel Lopez y Lucien Peterson lo biaha pa Budapest, Hungaria na unda nan lo participa den e di 6 Campeonato Mundial Juvenil di FINA.

AZB kier gradici tur personanan cu a yuda durante e weekend, como oficial, cu trabounan administrativo, y cu nan presencia den tribuna pa apoya e atletanan. Sin boso e atletanan no por haci locual cu nan ta haciendo. Ban sigui traha hunto pa e deporte di landamento por sigui crece. Na mes momento AZB ta desea tur su atletanan cu lo biaha pa exterior representando nos dushi isla hopi succes.