Diadomingo merdia te cu anochi y ayera dialuna mainta habitantenan di e barionan den bisindario di e Dump di Parkietenbos a sinti holo masha stinki y huma cu tabata bin di e Dump di Parkietenbos.
Durante dia bisiñanan tabata puntra otro si nan tambe ta hayando e holo malo. A bin resulta cu for di Buena Vista, Parkietenbos, Simeon Antonio te cu e ultimo cas riba Bucutiweg a haya e huma cu holo malo aki cu tabata sali di e Dump di Parkietenbos MAINTA TREMPAN.
Stichting Parkietenbos a yama Serlimar pa puntra kico ta wordo haci riba e tereno di Dump pero ningun hende tabata tuma e telefon. Bisiñanan ta hopi rabia y lo bay cuminsa vigila ta kico pasando.
