Informacion cu a circula riba rednan social ayera dialuna ta indica cu presidente di SMAC, Darren van Ommerena informa Stichting Musica cu nan no ta bay ricibi e permiso necesario pa organisa e Caiso & Soca Monarch 2024.
Segun VYBZ News a indica riba nan pagina di Facebook, nan a ricibi informacion indicando cu tin varios “incumplimento” cu a tuma lugar di parti di Stichting Musica “cu a pone cu SMAC a bisa ta basta y a termina e relacion entre ambos partido.”
Bon Dia Aruba a tuma contacto cu Van Ommeren pa confirma e informacion aki, pero te ciere di edicion no a ricibi un contesta.
