Stichting Kompas for Students ta sumamente contento di anuncia cu pre-registracion pa e programa hopi anticipa di ‘Kompas’ 2024 awor ta oficialmente habri. E programa unico aki di 3 dia, diseña specificamente pa studiantenan cu lo cuminsa cu nan capitulo nobo den nan bida academico na Hulanda, ta programa pa tuma luga durante e di dos siman di Juli.
‘Kompas’ 2024 ta ofrece un oportunidad pa studiantenan gana conocemento y habilidadnan esencial den varios area critico, incluyendo finanzas, bienestar emocional, y aspectonan practico di ta un studiante na Hulanda. E programa meticulosamente diseña aki ta segura cu participantenan ta completamente prepara pa e biahe emocionante pero desafiante di studia na Hulanda.
Mas informacion tocante ‘Kompas’ 2024 lo volg den e luna di Mei.
Pakico pre-registra?
Door di pre-registra awor via www.kompasforstudents.com/join/, bo no solamente lo ricibi nos “Student Guide” completamente gratis pero tambe lo ricibi updates via e-mail regularmente cu tips pa cuminsa prepara pa bay Hulanda. E guia y e updates aki ta specialmente crea pa yuda bo den bo fase di preparacion.
Tocante Stichting Kompas for Students:
Stichting Kompas for Students ta un fundacion crea door di young professionals y studiante Arubiano. Nos meta ta pa guia y sostene studiante den nan preparacion pa studia afo y durante nan prome aña na Hulanda. Durante e trayectoria aki nos ta brinda diferente tayer y actividad riba topico manera salud mental, finanzas, nutricion y hopi mas.
Mas over di Stichting Kompas for Students: www.kompasforstudents.com
