Oficina Central di Estadistica ta presenta su publicacion ‘Statistical Overview of Aruba 2023’. Den e publicacion aki varios topico ta ser trata, entre nan, husticia. Den esaki por nota cu pa aña 2023, e crimennan mas cometi na Aruba ta relaciona cu traficacion di hende, hortamento y droga.
Na 2023, e poblacion di prison na Aruba a aumenta cu 13.5 porciento compara cu 2022.
E crimen di “delito di vicio” y “hortamento” a aumenta cu 46.2% y 8.8% respectivamente, compara cu 2022, mientras den e mesun periodo di tempo, e crimen di “hortamento cu arma di candela”, “abuso/atake” y “traficacion di hende” a reduci cu 47.6%, 25% y 25% respectivamente.
Pa loke ta e composicion di e poblacion den prison, di e total di 269 prisonero na 2023, 187 tabata naci na Aruba, 41 na Venezuela, 15 na Colombia, 8 na Republica Dominicana, y 18 na otro pais.
Tabatin 29 prisonero hoben 18 aña of menos di edad, di cual 27 tabata homber y 2 muhe. Di e prisoneronan mayor di 18 aña di edad, di e 240, 216 tabata hende homber y 24 tabata hende muhe.
Pa loke ta e tipo di crimen, di e 269 prisonero; 37 tabata cera pa hortamento; 11 pa hortamento cu arma; 23 pa delito di arma; 19 pa delito di vicio (droga); 27 pa homicidio, asesinato of complicidad den esaki; 33 pa abuso/atake; 76 relaciona cu droga; 15 pa traficacion di hende, y 28 pa otro crimen.
