Tres sala di camber di operacion, di cual dos cirugia general y uno pa operacion di wowo. Esaki ta encera entre otro e proyecto di renobacion y expansion di e centro medico na ImSan cu a start dialuna mainta.
Den presencia di diferente participantenan den sector medico manera AZV, hospital Baptist Health International y tambe hospital di Aruba a tuma luga e ‘masterplan kick-off event’.
“Nos lo bay brinda tambe radiotherapie-bestraling. Esaki ta algo cu no ta sosodiendo na Aruba actualmente. E camber pa cirugia general lo ta pa dagbehandelingen (opera mainta y bay cas atardi). Actualmente pashent nan cu mester wordo opera di retina ta wordo manda pa exterior. Pronto esaki no lo ta necesario mas ya cu e camber di operacion nan di wowo lo inclui operacion di retina. Tur diagnostische oogbehandelingen tambe lo tuma lugar na ImSan. Nos imaging department lo haya un CT scanner” asina minister di Salud Dangui Oduber ta splica durante e evento.
