STA y ATA ta sigui negosha: Ainda nan no por haya otro riba aumento di salario y duracion di CAO

Ainda sindicato STA y ATA ta na mesa negoshando nan di dos contacto colectivo (CAO) cu intermediacion di Mediador di Gobierno, sr. Anselmo Pontilius. 

Ya caba nan  a tene alrededor di cuater seccion caba; y den nan ultimo reunion di diahuebs siman pasa a keda evidente cu e parti di aumento general di salario lo ta un punto cu no a permiti pa nan por haya otro facilmente.

A wordo propone pa Mediador di Gobierno traha un oferta cu lo por yuda pa Sali di e impasse aki. Sr. Pontilius a declara na Bon Dia Aruba, cu ya caba el a traha un oferta durante fin di siman y esaki a wordo entrega na e partidonan respetivo.  Otro punto cu nan tin discusion riba dje ta esun di e duracion di e CAO.

Nan tabatin pensa di reuni diamars ultimo pero a wordo posponi pa awe of eventualmente pa dialuna venidero. Sr. Pontilius a bisa cu e ta spera cu ta tanto STA y ATA  lo por supera nan diferencia.  Riba otro punto tambe importante den un negociacion di CAO, nan a bay di acuerdo caba. 

“Nos ta spera cu nan lo por resolve esaki. Sigur c nos ta kere cu esaki lo por resulta tambe un contracto colectivo cu bastante adelanto beneficioso pa e trahadonan”,  el a bisa.

E ta spera cu ora cu nan lo sinta awe of dialuna proximo cu esaki lo por a bira e ultimo ronda caminda e partidonan lo por haya otro y cera e contacto colectivo.