Diabierna ultimo den oranan di mainta a tuma luga un referendum di e trahadonan di e compania Avsec den oficina di Mediador di Gobierno.
E referendum aki a wordo pidi pa STA, caminda mayoria di e trahadonan a vota na fabor di e sindicato aki. Ta asina cu 50 trahadonan tabatin derecho di voto y un total di 39 trahado a bay haci uzo di nan derecho. Tur 39 voto tabata pa STA. Segun e ley di referendum e mayoria ta determina pa e mita plus 1 di e trahadonan cu derecho di voto, den e caso aki 26 voto tabata e mayoria y STA a haya mas cu e cifra aki.
Awor tanto gerencia di Avsec cu ta un compania cu ta ofrece e servicio di siguridad aereo na aeropuerto y sindicato STA lo bay sinta pa cuminsa cu e proceso di negosha un contracto colectivo (CAO) pa e trahadonan.
