Ayera tardi STA a gana e referendum cu e mesun sindicato aki a pidi cerca mediador di gobierno pa representa e trahadonan di Post Aruba N.V. Despues di e contamento di voto mediador di gobierno, Anselmo Pontilius a declara na Bon Dia Aruba cu un total di 93 trahado por haci uzo di nan derecho di voto di cual 70 trahado a bay vota.
STA ta e unico sindicato cu a participa na e referendum aki y pa a gana e esaki tabata tin mester di 47 voto cual ta e mita plus uno di e total di trahadonan cu por haci uzo di su derecho di voto. Nan a logra mas cu esey ya cu 69 di e 70 trahadonan di Post Aruba N.V. a vota pa e sindicato STA y un voto tabata blanco. Consecuentemente STA tin e derecho legal pa representa e trahadonan y negosha cu e dunado di trabou e contracto colectivo (CAO) nobo.
