Minister di Husticia ta confirma riba diaranson cu un funcionario di imigracion y un di douane a test positivo pa Covid-19. E desaroyo aki a haci cu e departamento di imigracion hunto cu esun di douane a wordo cera y awo ta den cuarentena.
Minister di Husticia Anna Richardson a bisa durante conferencia di conseho di minister en bibo diaranson cu el a wordo informa door di Servicio di Imigracion y Proteccion di Frontera (IBPS) cu riba diabierna, 7 di augustus, un miembro di departamento di imigracion a test positivo pa coronavirus. “ E oficial a wordo manda cas cu sintoma y e oficial a test su mes, cu un resultado positivo, y inmediatamente a reporta esaki na su supervisior di ( IBPS), Richardson a bisa.
Segun Richardson, departamento di inmigracion a contact ministerio di salud y servico di colectivo di prevencion (CPS) y a duna nan un lista di e personanan cu por tabatin contacto cune. Basa riba ‘contact tracing’ di CPS tur e personanan cu a tene contacto cu nan a wordo poni den cuarentena. E departamento a wordo desinfecta imediatamente den weekend y minister di Husticia a dicidi di cera e oficina te proximo aviso. “ Esaki ta un medida di precaucion cual ta carga e interes di proteha e staff y tambe publico, tambe kier a informa e clientenan cu no lo tin consecuencia pa nan solicitudnan” , Richardson a bisa.
Personal di douane tambe a test positivo recientemente pa e coronavirus.
“Den weekend mi a wordo informa tambe di un situacion di COVID of un caso entre nos staff di departamento di douane; e mesun protocolnan a wordo exigi door di CPS y departamento di maneho di douane” Richardson a bisa. Un grupo di personal di douane a wordo poni den cuarentena despues cu CPS a pasa door di e lista cu a tene contacto cu nan.
Lo continua e operacionan regular di douane, sin embargo e cantidad di funcionario disponibel di douane ta limita.” Nos frontera lo keda permanece protehi” e departamento di douane a bisa den un conferencia diaranson anochi.
