(TheDailyHerald) – Parlamentario di Sint Maarten, Akeem Arrindell, ta siendo procesa den e caso yama “Aconitum.” Aprobacion di corte pa procesa e parlamentario den e caso ta rekeri bao Articulo 123 di Constitucion di Sint Maarten, cual ta exigi aprobacion di un hues prome cu por procesa un parlamentario.
Ministerio Publico (OM) ta kere cu tin evidencia convincente vinculando Arrindell na actividadnan di compra di voto, un crimen cu ta mina e proceso democratico y ta pone den menasa e igualdad den eleccion.
Arrindell, un parlamentario pa partido United People (UP), a keda aresta dia 1 di augustus ultimo bao sospecha di participa den un organisacion criminal designa pa cumpra voto na su beneficio.
Despues di interogacion, Arrindell a sali back den libertad mientras e investigacion ta continua.
Tambe a aresta otro tres persona en conexion cu e caso dia 31 di juli, y autoridadnan a haci un inval na oficina di Arrindell den edificio parlamentario na Philipsburg.
E investigacion aki ta lidera pa landsrecherche, operando bao autoridad di Ministerio Publico. Oficina di fiscal ta bisa cu awo ta wardando riba decision di corte si por procede cu su caso. Si ricibi aprobacion, oficina di fiscal ta bisa cu lo “continua rapidamente cu citacion di e parlamentario.”
