No tin motibo pa panico, ya cu e pasahero riba rolstoel mira riba un video cu a circula riba rednan social no tin sintoma di coronavirus, segun COO di Princess Juliana International Airport, Michel Hyman.
“A insinua cu e pasahero tabata infecta cu novel coronavirus, y mediante esaki nos ta confirmando cu no mester tin ningun motibo pa panico, ya cu esaki no ta e caso”, Hyman a bisa.
E pasahero tabata un homber Filipino kende tabata biahando for di Manila, Filipinas, na Tortola, British Virgin Islands (BVI). El a yega St. Maarten diabierna atardi mediante un vuelo di KLM.
Segun e aeropuerto, e pasahero tabata sinti cu gana di saca y subsecuentemente a saca. Team di emergencia di Rescate y Bombero (RFF) di aeropuerto a responde na e situacion. A hiba e pasahero na e camber di isolacion di aeropuerto alrededor di 5pm. Dokter di aeropuerto, Dr. Sonia Swanston-Meade a examina e homber pa sintoma di, y posibel exposicion na e coronavirus.
Swanston-Meade a conclui cu e sintomanan di e homber no tabata consistente cu coronavirus, ya cu e no tabatin keintura, tosamento, ni otro sintomanan respiratorio. El a determina cu e pasahero probablemente tabata sufriendo di un malesa cronico recientemente diagnostica y tabata debil pa motibo di deshidratacion y posibel desbalance di electrolyte.
A duna e homber bisto bueno pa biaha na BVI despues cu a ricibi hidratacion. Sinembargo, e aerolinea a stop e di aborda. Despues el a wordo transporta na camber di emergencia di St. Maarten Medical Center pa 6.55pm.
