Den un comunicado di prensa, Hospital a informa cu sr. Ronald van Trigt ta fungi como Interim Lid Raad van Bestuur Bedrijfsvoering na Dr. Horacio E. Oduber Hospital.
“Awe mainta sr. Van Trigt a haya un rondleiding cortico den Hospital y mañan mainta lo cera conoci cu management di Hospital”, segun e comunicado.
Van Trigt ta bini di sector priva na unda e tin amplio experiencia den loke ta maneha companianan, specialmente e parti di bedrijfsvoering. E tabata director di ATIA y a fungi tambe den diferente Hunta di Supervision na ATA, SVB y tambe AZV.
“Durante e periodo nos dilanti lo tuma luga e traspaso di informacion y tur esaki ta sosode den bon cooperacion cu nos Hunta di Directiva actual. Sr. van Trigt ta desea di crea claridad durante e siguiente lunanan pa loke ta continuacion di Hospital como organisacion.”
