Na fin di aña semper ta un bon periodo pa tuma tempo y haci un reflexion profundo. Den esaki hopi bes como ser humano nos ta pone un poco demasiado enfasis riba e cosnan cu por a bay miho y retonan cu nos ta enfrenta. Pero na mes momento tambe ta hopi valioso pa refleha riba posibel oportunidadnan. Ademas pa wak e “Big Picture” di trendnan cu porta masha positivo pa sociedad. Den e contexto aki kier comparti un mensahe di speransa y oportunidad profundo pa pueblo di Aruba.
“E Big Picture”:
Aunke tin retonan masivo y e hecho cu poder di compras di pueblo ta bou un presion inmenso, na mesun momento nos por wak un luz briyante na fin di e tunnel. Por ehempel e prijs di solar panel, prijs di auto electrico, 3D printing di cas, e posibilidadnan grandi cu Inteligencia Artificial ya caba ta brindando y mas. Na e momento aki, e efectonan grandi di esaki no ta full visibel pa nos pueblo. Pero e tecnologianan aki y dimas ehempel ta birando miho y mas barata cu cada dia cu ta pasa. Den e añanan binidero, vooral cu e speransa cu lo bin un Gobierno local cu mas “vision” y “durf pa think big”, e oportunidadnan pa cambia sociedad Arubiano den un manera profundamente positivo ta siguramente presente.
E Pasado di Civilization Humano: Scarcedad & Sufrimento
Den nos relfexion nos mester realisa pa full historia conoci di civilisacion humano, esta caba di tempo di textonan antiguo di por ehempel Sanskrit y Bijbel. Nos por lesa cu bida na mundo, nunca tawata uno facil pa e mayoria di hende. Scarsedad & hopi tipo di sufrimento semper a forma e fundeshi di nos “Human Experience” aki na Mundo.
E Futuro Briyante di un Paretotopian Society
Cu e promesanan tecnologico existente y cu ta creciendo exponencialmente, tin un oportunidad cu no ta solamente clasifica como “Once in a Lifetime”, pero te hasta “Once in a Civilization”. Pa no solamente haci cosnan chikito aki aya, pero radicalmente cambia e fundeshi fundamental di nos sociedad y civilisacion humano. Pa caba cu scarsedad material den tur forma y libera e ser humano di varios forma di sufrimento. Esta e vision di un Paretotopian Society cu tur sorto di tecnologianan avansa combina cu Universal Basic Income.
Sand Hill Road:
E vision aki di un Paretotopian Society combina cu Universal Basic Income. Ta uno cu ta na nucleo di pensamento di esnan mas influencial di Silicon Valley & Menlo Park. Pa e aña binidero di 2025, si nos Gobernantenan actually tin un poco “vision y durf”, tin un oportunidad no solamente pa e 4 añanan di gobernacion, pero pa positivamente cambia e fundeshi mes di nos sociedad Arubiano. Den e contexto aki por haci Aruba un ehempel no solamente pa Caribe, Reino Hulandes, pero te hasta pa full Civilisacion Humano.
Un lector lo por pensa, Simon, esaki ta un set di idea hopi “bunita”, pero con lo financia esaki y unda lo haya e experticio pa ehecuta esaki riba un nivel nacional?
E potret den e columna aki ta di “Sand Hill Road’. E ta hopi dificil pa nos por imagina, pero e caya aki di 5.6 mijl ta e “Epicenter of Venture Capital” mundial. Un bes mas sumamente dificil pa visualisa, ta cu e caya aki tin literalmente $200 biyon US Dollars bou management.
2025: Un Fantastic Voyage pa Sand Hill Road
E ta mi opinion humilde cu “Sand Hill Road” lo ta hopi pero hopi interesa pa por tin e oportunidad pa tin Aruba como un template pa un Sociedad Paretotopian. Den e caya aki di mas o menos 10 kilometer tin mas cu suficiente fondo, experticio y mas importante e willingness pa haci cosnan sumamente bunita pa nos dushi Aruba.
Pero lo keda na nos kader di ultra-top politico pa ehecuta e vision aki cu un bishita na Sand Hill Road.
