Un fenomeno di mal tempo a wordo forma regionalmente. Bon Dia Aruba a tuma contacto cu Servicio Meterologico di Aruba (METEO) cu a informa cu e fenomeno aki lo trece cune cu durante fin di siman awa lo bay cay vooral den oranan di anochi. P’esey e tempo ta parcialmente nubla y cu menasa di awa den oranan lat di anochi.
Con intensidad di e yobida lo por ta, ainda ta dificil pa pronostica. Sinembargo no ta wordo spera algo similar cu diadomingo pasa. Pero considerando cu nos tera ta satura di awa y cu ainda tin awa cumula, si mas yobida lo cay lo crea mas problema cu stagnacion di awa. Pues e situacion di tempo durante e fin di siman aki lo ta uno di posibilidas di awa regularmente.
