Den cuadro cu investigacion di caso Ibis, Bon Dia a confirma cu Ministerio Publico cu nan ta sperando decision di hues por escrito riba libertad di sospechoso principal Paul Croes.
Akinan por lesa ultimo informe cu Ministerio Publico a emiti na prensa por medio di un comunicado:
Huez-comisario den casonan penal na Corte di Prome Instancia di Aruba a dicidi awe pa alarga detencion preventivo di e sospechosonan P.T.F. Croes y R.A. den e caso Ibis cu 30 dia. Riba peticion di Ministerio Publico, huez-comisario a suspende detencion di e sospechoso R.A. Ademas di esaki, huez-comisario a dicidi pa suspende detencion di Croes riba peticion di su defensa.
Croes ta wordo sospecha di a haci su mes culpable di hechonan castigable hopi grave: ambtelijke omkoping (pasivo), malversacion, labamento di placa, falsificacion y mensensmokkel.
E schorsingnan ta bao condicionnan stricto. Ambos sospechoso no mag di tin contacto directo, ni indirecto cu testigonan y cu e otro sospechosonan den e investigacion Ibis. Ministerio Publico ta mustra enfaticamente cu decisionnan di huez-comisario ta solamente trata e detencion di e sospechoso, y no e caso penal riba su mes. Huez-comisario a confirma awe atrobe cu ta existi acusacionnan serio contra Croes y A. E investigacion Ibis lo continua y Croes ta sigui como sospechoso. E plan ta pa rond af de dossier na maart 2018, despues di cual lo por tin e regiezitting na april 2018.
Croes ta wordo sospecha di a haci sumes culpable di hechonan castigable hopi grave: ambtelijkeomkoping (pasivo), malversacion, labamento di placa, falsificacion y mensensmokkel.
Akinan por lesa riba e ultimo detayenan di e caso cu nos a publica algun dia pasa:
OM: ‘Paul Croes no tin limitacion mas den su aresto’
