(ElPais) – E pasaporte vacunal, oficialmente yama cerificado berde digital, lo sirbi pa e ciudadanonan Europeo cu tin esey no tin necesidad di pasa ni cuarentena ni test diagnostico. Asina Alfredo Gonzalez, secretario general di Salud Digital, Informacion y Innovacion di e Sistema Nacional di Salud, a anuncia. E documento lo ta un codigo QR gratuito, y lo ta disponible na fin di juni y lo permiti cu “mas persona y di forma mas sigur” por yega e pais, segun Gonzalez.
Ministerio di Sanidad tabata insistiendo cu e documento lo ta un “facilitador di mobilidad” pero no tabata aclara di kico e facilidad ta consisti. Gonzalez a detaya cu ta trata di un documento, digital y fisico, cu un codigo QR den cual autoridadnan di e paisnan por comproba tres informacion: si e persona a vacuna, si e enfermedad a pasa o si e tin un prueba negativo cu ta credit’e cu e no ta infecta. Lo considera en principio cu e persona tin inmunidad entre 11 dia y seis luna despues di un diagnostico positivo. Cu referencia na e vacunanan, lo ta necesario pa haya e conocimento suficiente pa sa cuanto e efctonan ta dura. E ta algo cu lo bay evalua poco a poco, segun Gonzalez a splica.
