Spaña a logra localisa 69 Africano cu a perde den lama mientras tabata purba pa yega Europa den boto, segun servicio di rescate maritimo a bisa. Vocero di agencia di gobierno a bisa cu team di rescate a haya e boto casi 36 miya sur di haf di Spaña, Malaga.
Un oficial di rescate tabata buscando e grupo for di dialuna. E boto tabata transporta migrante na un haf cercano. E grupo di rescate a alerta autoridad di e un boto cu a sali cu 67 persona di awanan di Maroco.
Vocero a bisa e cu boto di rubber tabata carga 12 hende muhe y 5 mucha. E resto hende homber. E vocero no a keda autorisa pa duna su nomber na medionan di comunicacion.
E ultimo rescate a bin despues cu 119 migrante den dos boto ilegal a keda riba lama di Alboran, oriente di Estrecho di Gibraltar cu ta separa Europa for di Africa. Refugiado ta huy violencia y di pobresa pa busca un bida nobo na Europa, esey ta trece cune biahe peligroso den lama di costa Africano.
Spaña a bira un punto principal di entrada pa Europa pa migrante na 2018. Un cantidad di 26.168 persona a yega. Recientemente a mira un aumento di cantidad di boto cu ta yega Isla Canaria, cu ta keda na Ocean Atlantico na e costa di nort di Africa.
Maroco ta ricibi 140 miyon euro for di Union Europeo su fondo na 2019 pa asina controla e crusada ilegal di migrante.
