Ex funcionario Venezolano a wordo captura pa orden di Merca. Polis di Spaña a bisa cu a captura e ex ministro di desaroyo electrico di Venezuela na Madrid.
Javier Alvarado Ochoa ta bou investigacion Mericano cu cargo relaciona cu labamento di placa en conexion cu empresa di petroleo di Venezuela, conoci como PDVSA. Un oficial di polis di Madrid a bisa cu Alvarado a wordo captura riba diahuebs, cerca di cas na e capital di e pais. E funcionario no por wordo nombra, di acuerdo cu reglanan di polis.
E tribunal nacional di Spaña ta bisa cu un hues a ordena pa cera Alvarado tanten cu ta wordo dicidi su extradicion pa Merca. Tambe ta enfrenta dos investigacion separa di corupcion y labamento di placa na tribunal di Madrid, y a wordo procesa na Andorra, tambe pa un supuesto labamento di placa na PDVSA.
Na Portugal, ta hibando un investigacion pa posibel cargo relaciona cu un banco na Lisboa y cuenta cu fondo grandi di petrolero Venezolano.
